ქირომანტია 
ქირომანტია (ბერძნ. χειρός — ხელი; μαντεία — მკითხაობა, წინასწარმეტყველება) — ერთერთი უძველესი მკითხაობის სისტემა ადამიანის ინდივიდუალური განსაკუთრებულობის, მისი ხასიათის, წარსულისა და მომავლის გასაგებად, ხელისგულის კანის რელიეფის მიხედვით.
რას ნიშნავს ხელისგულზე აღბეჭდილი ხაზები და ბორცვები?პალმისტრია უძველესი ოკულტური დისციპლინაა. იგი უძველეს დროს ეგვიპტესა და ინდოეთში წარმოიშვა. გადმოცემით ალექსანდრე მაკედონელს ეგვიპტეში ლაშქრობის დროს ქურუმებმა მიართვეს ე. წ. "სიცოცხლის წიგნი", სადაც ერთ-ერთი თავი სწორედ პალმისტრიას ეხებოდა.
ზოგადად პალმისტრია იყოფა ორ ნაწილად ქიროლოგიად და ქირომანტიად. პირველი ადამიანის ხელის ფორმებს შეისწავლის და ამით ადამიანის ხასიათის ნიშან-თვისებებსა და მიდრეკილებებს ადგენს, ხოლო მეორე ამას ხელისგულზე აღბეჭდილი ხაზებით ახერხებს.
ცნობილი ამერიკელი მწერალი მარკ ტვენი ფრანგ ქირომანტთან, გრაფ ლუის ხამონთან, იგივე კაიროსთან (1886 _ 1936) შეხვედრის შემდეგ, თავის დღიურში ჩაწერა: "კაირო, თქვენ სასწაული ხართ, თქვენ ჩემი სულის ყველაზე ბნელი კუნჭულები გახსენით. მე ეს ყველაფერი უნდა დავფარო, მაგრამ ისეთი აღელვებული ვარ, რომ ამას ვერ ვახერხებ". კაირომ იწინასწარმეტყველა მატა ჰარის ძალადობრივი დაღუპვა, გემ "ტიტანიკის" ჩაძირვა (ხომალდის კაპიტნის, სმიტის ხელზე დაკვირვებით), წინდაწინ გაიგო ოსკარ უაილდის სიკვდილის დეტალები.
მოკლედ განვიხილავთ ხელისგულზე აღბეჭდილ ძირითადი ხაზებისა და ბორცვების ზოგად ინტერპრეტაციას.
სიცოცხლის ხაზი – მიუთითებს არა იმდენად იმაზე, თუ რამდენ წელს იცოცხლებს ადამიანი, არამედ უფრო იმაზე თუ როგორ იცხოვრებს. თუ ის ხელისგულის შუა ნაწილში წყდება და ბოლოვდება რკალისებურად, მაგრამ მთლიანობაში ღრმა და მკვეთრია, მაშინ ეს ადამიანი ხასიათით შეუპოვარია, მას შეუძლია გარისკვაც. სიცოცხლის ხაზი რამდენადაც სუსტი და ძლისვშესამჩნევია, იმდენად ადამიანი სუსტი და მშვიდი ადამიანია. თუ ეს ხაზი ჯაჭვისებურია, ან გარკვეული მონაკვეთში მხოლოდ ჯაჭვის ეფექტი, მაშინ ეს მიუთითებს ავადმყოფობაზე და პრობლემებზე, განსაკუთრებით სიცოცხლის იმ წლებში, სადაც ეს ჯაჭვი კეთდება (წლების შკალა იხილეთ სურათზე). გრძელი, გაუწყვეტელი და ღრმა სიცოცხლის ხაზი, მითუმეტეს, თუ მას სხვა ხაზე არ კვეთენ, მაშინ ეს ბედნიერ ცხოვრებაზე და ძლიერ შინაგან ბუნებაზე მიუთითებს. თუ სიცოცხლის ხაზი მაჯაზე არ ჩამოდის და ის განივად მიემართება და ბედის ხაზთან მთავრდება, მაშინ ამ ადამიანს გაუმრთლებს საწინააღმდეგო სქესის ადამიანებთან და ბევრს იმოგზაურებს. თუ ორივე ხელისგულზე სიცოცხლის ხაზი გაწყვეტილია, ეს ან უკურნებელ სენზე ან ნაადრევ სიკვდილზე მიანიშნებს.
გონების ხაზი – ეს ხაზი იწყება სიცოცხლის ხაზიდან და ხელისგულს ზუსტად შუა ნაწილში კვეთს. იგი მიუთითებს, თუ რამდენად ჭკვიანი ადამიანი და რამდენად სასიკეთოდ გამოიყენებს საკუთარ ინტელექტსა და გონებრივ მონაცემებს. თუ გონების ხაზი სიცოცხლის ხაზთან გადაჯაჭვულია (ცერა თითსა და საჩვენებელ თითის შუა ნაწილში), მაშინ ამ ადამიანის ცხოვრება გონისმიერი, ანუ გააზრებული და მიზანმიმართული იქნება, თუ არა, მაშინ ცხოვრება გაუზარებლად მიდის და გადაწყვეტილებების მიღება ხშირად იმპულსურად ხდება, რაც, შეცდომების დაშვების ალბათობას ზრდის. თუ გონების ხაზი ბოლოში ორად არის გაყოფილი, მაშინ ამ ადამიანს ორი პროფესია ან რამოდენიმე შემოსავლის წყარო აქვს.
გულის ხაზი – ეს ხაზი გონების ხაზს ზემოთ მდებარეობს და თითების ფუძეების ქვემოთ გადის. თუ ხაზი ღრმა და მკვეთრია, ეს მოსიყვარულე ნატურზე და ბედნიერ ოჯახურ ცხოვრებაზე მიუთიოთებს, თუ აღნიშნული ხაზი ჯაჭვისებურია, მაშინ ეს ბობოქარ სასიყვარულო თავგადასავლებზე მიუთითებს. თუ ხაზი საჩვენებელ თითთან მთავრდება, მაშინ ადამიანი სიყვარულში პირველობას ესწრაფვის. თუ გულის ხაზი მქრალი და ვიწროა, ეს უსულგულო ადამიანზე მიუთითებს, რომელიც სიყვარულს ვერ ან არ ამჟღავნებს.
ბედის ხაზი – ეს ხაზი ძირითად ხაზებში შედის, თუმცა ყველა ადამიანს არა აქვს. იგი იწყება დაახლოებით მაჯის მიდამოებიდან, სიცოცხლის ხაზის პარალელურად და ვერტიკალურად თითებისკენ მიემართება. ის გაუწყვეტელია, მაგრამ ბედის ხაზი კვეთს ჯერ გონების ხაზს, შემდეგ გულის ხაზს და შუა თითის ფუძესთან მთავრდება, მაშინ ეს იღბლიან ცხოვრებაზე მიუთითებს (რამდენად იყენებს ამ იღბალს ეს ადამიანი, ეს სხვა საქმეა). იმ ადამიანს, ვისაც საერთოდ არა აქვს ბედის ხააზი, მათი ფორტუნის იმედი არ უნდა იქონიონ და მიზანმიმართულად იშრომონ. თუ ხაზი გამწყდარია გონების ხაზის სიახლოვეს, მაშინ ამ ადამიანის ბედი მის ინტელექტუალურ შესაძლებლობებზე იქნება დამოკიდებული. იმ შემთხვევაში თუ ბედის ხაზი გულის ხაზთან წყდება, მაშინ დიდი ალბათობაა იმისა, რომ ამ ადამიანის ცხოვრებაში სასიყვარულო პარტნიორმა უდიდესი გარდატეხა მოახდინოს.
იუპიტერის ბორცვი – მდებარეობს საჩვენებელი თითის ძირში. თუ იგი სხვა ბორცვებზე მაღალია და კარგად განვითარებული, მაშინ ეს ადამიანი ლიდერი, ძალაუფლებისმოყვარე ან მედიდურია. თუ იუპიტერის ბორცვზე ჯვარი ან პატარა კვადრატია აღბეჭდილი, შესაძლოა, ეს ადამიანი საკუთარ კარიერას შეეწიროს, ამის ალბათობა უფრო იმატებს თუ გონების ხაზი პატარა ან შუაზეა გაწყვეტილი. იმ შემთხვევაში თუ ამ ბორცვზე გულის ხაზი ადის და იქ თავდება, მაშინ ეს ადამიანი ხელოვნებასა ან პოლიტიკაში წარმატებას მიაღწევს. თუ ეს ბორცვი სხვა ბორცვებზე დაბალია, მაშინ ამ ადამიანს გაუჭირდება საკუთარ თავზე პასუხისმგებლობის აღება და ყოველთვის ხელქვეითის როლით შემოიფარგლება.
სატურნის ბორცვი – შუა თითის ძირში მდებარეობს. ეს ბორცვი სხვებზე მაღალია, მაშინ ამ ადამიანს მარტოობისკენ ექნება მიდრეკილება, თუმცა ამავე დროს ის შრომისმოყვარე, ორგანიზებული და მიზანსწრაფული ადამიანი იქნება. თუ სატურნის ბორცვი ძალიან ჩავარდნილია, ეს მიანიშნებს ადამიანის ფუქსავატურ შეხედულებებზე და უპასუხისმგებლობაზე. თუ გულის ხაზი სატურნის ბორცვზე წყდება, ეს ქორწინებაში პრობლემებზე, ნევროზულობაზე და დეპრესიულობაზე მიანიშნებს. თუ ის ჩავარდნილია და მასზე კვადრატი ან სამკუთხედია გამოსახული, მაშინ ამ ადამიანს აკლია ორგანიზებულობა ან შესაძლოა, პატიმრობაც დაემუქროს.
მზის ბორცვი – არათითის ფუძესთან არის განთავსებული. კარგად განვითარებული ეს ბორცვი მიუთითებს, რომ ადამიანი დიდებისაკენ და საზოგადოებრივი აღიარებისკენ მიისწრაფვის. ის საკუთარ სურვილებს ყველაზე მაღლა აყენებს. საერთოდ, მზის ბორცვი ხშირად ხელოვანებს აქვთ განვითარებული, განსაკუთრებით მხატვრებს. იმ შემთხვევაში თუ ბედის ხაზი მზის ბორცვზე წყდება, ეს კარიერულ წინსვლასა და ძალაუფლების მოპოვებაზე მიანიშნებს. თუ მასზე ჯვარი ან კვადრატია აღბეჭდილი, ასეთი ადამიანი არავის არ უსმენს და მხოლოდ საკუთარი თავი და საკუთარი ინტერესები აინტერესებს, ეს ნიშანი დიქტატორობის აღმნიშვნელიც არის.
მერკურის ბორცვი – ნეკი თითის ძირში მდებარეობს. ინტელექტუალურ და ლოგიკურ ადამიანებს იგი სხვა ბორცვებზე მაღალი აქვთ. თუ მასზე რამოდენიმე ვერტიკალური ხაზიც არის აღნიშნული, მაშინ ის გონებრივ სამუშაოს ან სამწერლო საქმიანობას ნიშნავს. კარგად განვითარებული მერკურის ბორცვი აქვთ იუმორისტებს, პაროდისტებსა და ორატორებს. თუ ბედის ხაზი მერკურის ბორცვზე ადის და იქ წყდება, ეს მიანიშნებს, რომ ეს ადამიანი ფულს გამოიმუშავებს ინფორმაციის დამუშავება-გადაცემით (ტელევიზია, რადიო, პრესა, საგამომცემლო საქმიანობა). თუ ეს ბორცვი მაღალი, მაგრამ გონების ხაზი მქრალია, ეს ნეგატიურ ტენდენციებს, კონკრეტულად კი ალოგიკურობასა და ფანატიკოსობას ნიშნავს.
მარსის ბორცვი – მდებარეობს ხელის ფუძეში, მერკურის ბორცვის შემდეგ _ გულისა და გონების ხაზებს შორის. იგი თუ მაღალია და კარგად განვითარებულია, მაშინ ეს ადამიანი მამაცი, შეუპოვარი, მიზანსწრაფული და შემტევია. თუ იგი სუსტად განვიტარებულია, ან მასზე პატარა წრე ან ჯვარია გამოსახული, ეს ავანტიურიზმზე და უაზრო რისკიანობაზე მიანიშნებს, ასეთ დროს ადამიანი გამო ხშირად ხიფათში იგდებს თავს. თუ გულის ხაზი მარსის ბორცვზე ორად იყოფა, ეს ფლირტსა და იმპულსურ სიყვარულზე მიანიშნებს, შესაძლოა, ამ ადამიანს ორი ქორწინებაც ჰქონდეს (თუნდაც, არაოფიციალური).
მთვარის ბორცვი – მდებარეობს ხელის ფუძეში, მარსის ბორცვის შემდეგ. თუ ის განვითარებული, ხაზებით დაქსელილია, მაშინ საქმე მგრძნობიარე ადამიანთან გვაქვს, შესაძლოა, ის გარეგნულად ცივი იყოს, მაგრამ შინაგანად ძალიან ემოციური იქნება. თუ მთვარის ბორცვზე ორი პარალელური ვერტიკალური ხაზია ან ვარსკვლავია აღნიშნული, ეს მსახიობურ ნიჭზე მიანიშნებს, ასეთ ადამიანს არ უჭირს გარდასახვა, თუმცა, თუ ამ დროს გონების ხაზი განუვითარებული აქვს, მაშინ ეს უკვე შარლატანობაზე და ცბიერებაზე მიანიშნებს.
ვენერას ბორცვი – მდებარეობს ცერის თითის ძირში. თუ იგი მაღალია და ამავე დროს მასზე ბევრი პატარა ხაზია, ეს ბევრ ინტიმურ ურთიერთობაზე მიანიშნებს. თუ პატარა ხაზების გარდა, მასზე ვარსკვლავი ან ბადეა აღბეჭდილი, ეს გემოვნებიან და გულღია ადამიანზე მიანიშნებს. გარდა ამისა, ასეთ ადამიანს შესაძლოა დიზაინერობის ნიჭიც ჰქონდეს. პატარა, ბრტყელი და უხაზო ვენერას ბორცვი გულქვა და გულღრძო ადამიანებს აქვთ.
ქიროლოგიაქიროლოგია არის მეტაფიზიკური დისციპლინა რომელიც შეისწავლის ხელის ფორმებს, განსხვავებით ქირომანტიისგან, რომელიც ხელისგულზე აღბეჭდილ ხაზებს სწავლობს. ქიროლოგია ხელის ფორმების მიხედვით ადამიანის ხასიათს, მიდრეკილებებს, შინაგან პოტენციალსა და შესაძლებლობებს ადგენს.
რას მიანიშნებს ცეცხლის სტიქიის ხელი?
ცეცხლის სტიქიის ხელის მტევანი მაგარი და მკვრივია, მოკლე თითებით, რომლებსაც ოდნავ მომრგვალებული ან კვადრატული ფორმა აქვთ. ადამიანი, რომელსაც მსგავსი ხელი მტევანი გააჩნია, ენერგიულია და გამუდმებულად შინაგან ან გარეგნულ მოძრაობაშია. ეს ადამიანი ემოციურია და ენთუზიაზმი საკმარისად გააჩნია. შეუძლია დეტალების შემჩნევა, თუმცა უფრო გლობალურად აზროვნებს. აქვს ძლიერი გონება და შესანიშნავი იდეები მოსდის. შეუძლია საკუთარი სურვილები გარშემომყოფებს თავზე მოახვიოს. აქვს ორგანიზების უნარი. შემოქმედებითი ადამიანია, ვერ იტანს ერთ ადგილზე "გაყინვას" და უმოქმედობას, ამ დროს თავს ბედნიერად ვერ გრძნობს.
რას მიანიშნებს ჰაერის სტიქიის ხელი?
ამ დროს ხელის მტევანი რამდენადმე წააგავს ცეცხლის სტიქიის ხელს – ხელის მტევანი ფორმით კვადრატულია, ხოლო თითები მომრგვალებული ან კონუსური. თითები გრძელია. ასეი ხელის მქონე ადამიანი გამოირჩევა ლოგიკური აზროვნებით, შეუძლია საკუთარი აზრის გასაგებად გადაცემა, გამოირჩევა ანალიტიკური აზროვნებით, კომუნიკაბელურობით და მეტ-ნაკლებად შეუძლია ემოციების შეკავება. მისთვის ურთიერთობებსა და უახლოეს გარემოცვას უდიდესი მნიშვნელობა აქვს, რადგან აზრის გაცვლა-გამოცვლა ეხმარება ეხმარება სწორი გადაწყვეტილებების მიღებაში. ზოგჯერ ნაკლებად პრაქტიკულია და არც თუ იშვიათად ღალატობს პასუხისმგებლობის გრძნობა. მისთვის აუცილებელია კარგი განათლება, წინააღმდეგ შემთხვევაში ბევრს წვალობს და გარშემომყოფებსაც აწვალებს. პროფესიული თვალსაზრისით თავს კარგად წარმოაჩენენ იმ პროფესიებში, სადაც საჭიროა ინფორმაციის მიღება-დამუშავება-გადაცემა (ჟურნალისტიკა, აუდიტი, იურისპრუდენცია, ეკონომიკა, კომერცია და ა. შ.).
რას მიანიშნებს მიწის სტიქიის ხელი?წინა ნომერში გაეცანით ჰაერის სტიქიის ხელს. ამჯერად განვიხილოთ მიწის სტიქიის ხელი. მიწის სტიქიის ხელი `მშრალი~ და მაგარი, თუმცა ის შესამჩნევად თბილია (ისევე როგორც ცეცხლის სტიქიის ხელი). ასეთი ხელი ძალიან წააგავს ე. წ. პრაქტიკულ, ანუ კვადრატულ ხელს, რომელსაც აქვს მოკლე და კვადრატული თითები. ასეთი ხელის მქონე ადამიანი მდგრადი, სტაბილური და პრაქტიკულია. კონსერვატიური და ცვლილებებს ფრთხილად და წინდახედულად ანხორციელებს. უპრობლემოდ ასრულებს ფიზიკურად რთულ თუ მონოტონურ სამუშაოს. ერთი შეხედვით თითქოს მოუქნელია, მაგრამ მას "ოქროს ხელები" აქვს და უამრავი რამის გაკეთება ძალუძს. მგძნობიარე და რომანტიკულია, თუმცა ამას ძნელად ამჟღავნებს. შეუძლია დიდ ხანს მოთმენა, მაგრამ თუ გაბრაზდა, მაშინ დიდ ხანს ვეღარ წყნარდება. უდიდესი მრისხანების გამოვლენა შეუძლია. ჯიუტია და თუ არ უნდა მაშინ ვერავინ ვერაფერში ვერ დაარწმუნებს.
რას მიანიშნებს წყლის სტიქიის ხელი? (ეს მე ვარ
)
ასეთი ხელი რამდენადმე წააგავს ჰაერის სტიქიის ხელს – არის ნაზი, თხელი და წაგრძელებული თითები, თუმცა, ამ შემთხვევაში თითების დაბოლოება უფრო მახვილია. ასეთი ხელი ხშირად გააჩნიათ მუსიკოსებს, ექსტრასენსებს, არც თუ იშვიათად მხატვრებს, ექიმებს (ფსიქოლოგებს, ფსიქიატრებს). ასეთი ხელის მქონე ადამიანი ემოციურია და სხვებზე ზრუნავს, არის ალტრუისტი – მას შეუძლია მოუსმინოს გარშემომყოფებს და უთანაგრძნოს, თუმცა მოსალოდნელია მან ყოველგვარი ზედემტი საუბრის გარეშე იგრძნოს რა აწუხებს მის წინ მჯდომ ადამიანს – ამას გამახვილებული ინტუციით ახერხებს და სწორედ ამის გამოა, რომ ასეთი ხელის მქონე ადამიანი ადვილად ახერხებს ირეალური ("მიღმიერი") სამყაროდან ინფორმაციის მიღებას. მედიუმებს, ექსტრასენსებს, ჰიპნოზისტებს, ნათელმხილველებს თითქმის ყოველთვის წყლის სტიქიის ხელები აქვთ.
ასეთი ადამიანი მგრძნობიარეა და მას ადვილად სწყინს ყველაფერი (თუმცა ასევე ცოტა ახარებს). ის ადვილად ექცევა შთბაჭდილების და ასევე გავლენის ქვეშ. ასეთმა ადამიანმა სიფთხილე უნდა გამოიჩინოს ალკოჰოლთან და ფსიქოტროპულ მედიკამენთებთან ურთიერთობებისას. სასურველია იყოს პრაქტიკული და რაციონალური, რათა მოულოდნელად ილუზიაში არ აღმოჩნდეს.
ქიროლოგია და ხელის "ფორმები"
დღეს განიხილოთ ქიროლოგიის რამოდენიმე ასპექტი – "რბილი", "მაგარი", "უხეში", "გლუვი" ხელი, ასევე გავიგებთ რაზე მიანიშნებს ხელზე თმის საფარველი.
"რბილი" და "მაგარი" ხელი
თუ ადამიანს დააკვირდებით მაშინვე შეატყობთ მას როგორ ხელი აქვს – მაგარი თუ რბილი?! ეს განსაკუთრებით კარგად იგრძნობა ხელის ჩამორთმევისას. თუ ხელი რბილია და `"ხორციანია", მაშინ ადამიანი მიდრეკილია კომფორტისა და სიამოვნების მიღებისკენ და მზად არის დაიკმაყოფილოს ეს მომენტი. ასეთი ადამიანი შედარებით ტაქტიანია და ნაკლებად ხისტია. რაც შეეხება მაგარი ხელის მქონე ადამიანს, იგი ძლიერი და მდგრადი ადამიანია. იგი მზად არის გაუძლოს ნებისმიერ "ცხოვრებისეულ" შემოტევას. ასეთი ადამიანი მოქმედებებში პირდაპირია, ამასთან უფრო მატერიალურ ცხოვრებას ანიჭებს უპირატესობას, ვიდრე სულიერს.
"უხეში" და "გლუვი" ხელი
"უხეში" ხელი დაფარულია კოჟრებით, ამ დროს კანი უხეში და მაგარია, ხოლო ხელის ფორმა ასე ვთქვათ, მოუხეშავი. ამ დროს უმეტესად ცერა (დიდი) თითის დაბოლოება მსხვილია და "კომბალისებური" ფორმა აქვს. ასეთი ხელი მქონე ადამიანს რამდენადმე პრიმიტიული ინსტიქტები აქვს, ურთიერთობებში ხისტი და იმპულსურია, აზროვნებაში შეზღუდული და "სქელკანიანია", მიდრეკილია მეტისმიეტი მატერიალიზმისკენ.
"გლუვი" ხელის მქონე ადამიანი რაფინირებული, ესტეთიური და დახვეწილია. მიდრეკილია ხელოვნებისადმი და მეცნიერებისადმი, ცხოვრებაში ლამაზ ფორმებს ძალიან დიდ მნიშვნელობას ანიჭებს.
თმა – ხელზე
თუ ხელის მტევანი და განსაკუთრებით თითების ძირები (ქვედა სახსარი) თმიანია, ასეთ ადამიანში ძლიერია "იან", ანუ მამრული ენერგია. ეს სასიკეთოა მამაკაცის ხელზე, რადგან ეს მიანიშნებს ფიზიკურ ძალასა და ენერგიაზე, ხოლო ქალის ხელზე ეს მომატებულ მამაკაცურ ჰორმონებსა და დომინირების სურვილზე მიუთითებს.
როგორ გავიგოთ ხელის ჩამორთმევის დროს ადამიანის ხასიათი
დღეს გავისაუბროთ ქიროლოგიის რამოდენიმე შტრიხზე, კონკრეტულად კი ადამიანის ხელის ჩამორთმევის მეტაფიზიკურ მომენტზე, ანუ შესაძლოა, თუ არა გავიგოთ უცნობი ადამაინის ხასიათი, როდესაც ის ხელს გვართმევს. ადამიანის ხასიათი კარგად ჩანს ადამიანის რეაქციებში, მიმოხვრასა და საუბრის მანერაში. ქიროლოგიაში ადამიანის ხასიათის ფსიქოლოგიური შტრიხები ჩანს, თუ როგორ უწვდის ადამიანი მეორე ადამიანს ხელს.
დააკვირდით, ხელის ჩამორთმევის დროს – თუ ხელის თითები გაშლილია, მაშინ ეს ადამიანი საკუთარ თავში დარწმუნებულია, "გახსნილია" და ურთიერთობებში უკომპლექსოა. ასეთი ადამიანი "გულში არაფერს არ იდებს" და რასაც განიცდის, უმეტესად მაშინვე ამბობს. იგი მზად არის გარშემომყოფების დახმარებისთვის. მასთან კომპრომისის მიღწევა შესაძლებელია.
თუ ხელის თითები შეტყუპებულია, ასეთი ადამიანი ფრთხილი და წინდახედულია. მიდრეკილია ანალიზისკენ და საკუთარ თავში არ არის დარწმუნებული. ცდილობს შენიღბოს საკუთარი თავი, თავის გარშემო ქმნის "ვირტუალურ წინაღობებს" და ცდილობს ზედმეტი არაფერი არ წამოსცდეს.
სთხოვეთ ახლობელ ადამიანებს გაჩვენოთ (დაგანახოთ) ხელები:
თუ მან ხელები ხელისგულების მხრიდან გამოგიწოდათ, იგი "გახსნილია" და ურთიერთობებში "სუფთა" ურთიერთობების მომხრეა. ამასთან ეს არის ხელის მტევნის "იან", ანუ მამრული მხარე, ამიტომ, ხელების ასე გამოწოდება მამაკაცური შტრიხია, ქალებში ასეთი შტრიხი – მამაკაცურ შტრიხებსა და დომინირების სურვილზე მიუთითებს.
თუ ადამიანმა ხელის მტევნების ზურგის მხრიდან გამოგიწოდათ – იგი გარშემყოფებისგან "დაფარულია" და ფრთხილია ამასთან მასში უფრო მდედრული ენერგია სჭარბობს. მამაკაცებში ღრმად ჩამალულ კომპლექსებზე მიუთითებს.
რაზე მიანიშნებს ხელისგულის ოთხი კვადრატი? ხელისგული იყოფა ოთხ კვადრანტად – ვერტიკალური ხაზი გადის ხელისგულის შუათიზე, ხოლო ჰორიზონტალური – ხელისგულის (თითების ჩათვლით) ზუსტად შუაში: ქიროლოგები ხელისგულს შემდეგ ნაწილებად ყოფენ:
აქტიური – გარეგანი
აქტიური – შინაგანი
პასიური – გარეგანი
პასიური – შინაგანი
თუ ადამიანს გააქტიურებული (განვითარებული) აქვს "აქტიური გარეგანი" ნაწილი, მაშინ ადამიანი ამბიციური და მიზანსწრაფულია. საკუთარ გარემოცვაში არის დომინანტი და არ გაურბის პასუხისმგებლობის საკუთარ თავზე აღებას. შესაძლოა, ის მოქმედებებში იმპულსური და ხისტი იყოს. ასეთი ადამიანის მოწოდება დიპლომატია, ეკონომიკა, იურისპრუდენცია, ბიზნესი და პოლიტიკაა.
თუ ადამიანს გააქტიურებული აქვს "აქტიური შინაგანი" ნაწილი, ეს ადამიანიც ამბიციურია, თუმცა ერიდება პირდაპირ მოქმედებებს, ხოლო საკუთარ მიზნებს დიპლომატიისა და ტაქტის გამოყენებით აღწევს. აინტერესებს მეცნიერება და ამ სფეროში მოღვაწეობს. შესაძლოა, კარგი კომერციის ან პედაგოგიკის ნიჭი ჰქონდეს.
თუ ადამიანს გააქტიურებული აქვს "პასიური გარეგანი" ნაწილი, შედარებით პასიურია. ის უპირატესობას ფიზიკურ სამყაროს ანიჭებს და ხშირად სექსუალურიც არის. მისთვის უდიდესი მნიშვნელობა აქვს ფიზიკურ-მატერიალურ სამყაროს. წარმატებას უფრო ცხოვრების მეორე ნახევარში და ძირითადად ხელოვნებაში აღწევს აღწევს (მუსიკა, ფერწერა, პოეზია).
თუ ადამიანს გააქტიურებული აქვს "პასიური შინაგანი" ნაწილი, შემოქმედებითი ბუნება აქვს და შეიძლება ითქვას ქვეცნობიერულია. ის უფრო გრძნობებით მოქმედებს და მასზე დიდ შთაბეჭდილებას ახდენს მცირე ემოციური იმპულსებიც. ასეთი ადამიანი გადამეტებული ფანტაზიის გამო ზოგჯერ ილუზიაშიც ვარდება. შესაძლოა, მიდრეკილება ჰქონდეს ალკოჰოლისკენ. მისგან კარგი ფსიქოლოგი, მისიონერი და ეზოტერიკოსი გამოდის.
და ბოლოს
